တကယ်ဆို........
ရင်ထဲမှာတစ်ခုခုခံစားရရင် စာအုပ်ထဲမှာချရေးတတ်တဲ့
့ငါရဲ့အကျင့်ကိုက ဒီပြသနာကြီးပေါ်လာရတဲ့ အဓိကတရားခံပါ...
နားလည်မှုတွေမှားလို့ ဖြေရှင်းရပြီးတဲ့နောက်မှာ..
ဝမ်းနဲပက်လက် ဒေါသတကြီး စီးဆင်းကုန်တဲ့ ငါ့မျက်ရည်တွေကို ဘယ်လိုရှာဖွေရမှာလဲ....
Monday, November 24, 2008
နားလည်မှုလွဲမှားခြင်း
Thursday, November 13, 2008
Friday, October 17, 2008
လပြည့်နေ့ ကန်တော့ပွဲ
လပြည့်နေ့က အဖေ့ဘက်ကဆွေမျိုးသားချင်းတွေစုပြီး မိသားစုကန်တော့ပွဲလေးတစ်ခုလုပ်ကြတယ်...
အဖိုးရှိကတည်းက သားသမီးမြေးမြစ်တွေပေါင်းပြီး ကန်တော့ခဲ့ကြတာမို့  အဖိုးဆုံးပြီးနောက်ပိုင်းကြတော့လဲ မောင်နှမတွေတစ်နှစ်တစ်ခေါက်လောက်
ပြန်ဆုံကြရအောင် ဆိုတဲ့ရည်ရွယ်ချက်နဲ့  စုစည်းတဲ့ပွဲလေးပါ...
နယ်အဝေးကလူတွေကတော့ မလာနိုင်ကြဘူးပေါ့လေ...
မြောက်ဒဂုံက ဘကြီးအိမ်မှာစုဝေးကြတာဆိုတော့ နေ့ လည်စာကတော. အဲအိမ်မှာပဲဆွဲကြတာပေါ့နော်... ဟဲ ဟဲ..
ဟင်းတွေကတော့ ချက်ထားကြတာ ရှယ်ပဲ...
အစားနဲတဲ့သူတောင် ၂ပန်းကန်လောက်ဆွဲတယ်..
စားပြီးတော့ အချိုပွဲကအဆင်သင့်.... ။
(ကလေးတွေနဲ့ ရှုပ်နေတာတော့ နဲနဲစိတ်ညစ်တယ်...တူတွေတူမတွေပေါ့)
အားလုံးစားသောက်ပြီးတဲ့အချိန်ကြတော့ အိမ်အပေါ်ထပ်မှာကန်တော့ဖို့ ပြင်ဆင်ကြပြီ...
ကန်တော့ပစ္စည်းတွေကို လင်ပန်းတွေပေါ်မှာ စုတင်ကြတယ်
'ကာယကံ ၀ဇီကံ မနောကံ ကံသုံးပါးနဲ့  ပြစ်မှားမိပါက ခွင့်လွှတ်ကြပါ' လို့  ရွတ်ဆိုကြပြီး..
အဖေတို့ရဲ့အကြီးဆုံးအစ်မကြီးတို့ ကို အရင်ဆုံးကန်တော့ကြတယ်
ပြီးတော့ အဖေတို့အစ်ကို ...
ပြီးတော့ အဖေ့အထက်က အစ်မ....
ပြီးတော့ အဖေနဲ့အမေ....
ဆုတွေပေးတာကတော့အစုံပဲ ..... 'ပေးတဲ့ဆုနဲ့ ပြည့်ပါစေ'
ကဲ ကန်တော့ပြီးပြီဆိုတော့ အားလုံးမျှော်လင့်နေတဲ့ အချိန်ရောက်လာပြီလေ....
ပိုက်ဆံကြဲမှာလေ....
ကန်တော့ခံကြတဲ့လူကြီးတွေက ပိုက်ဆံဆုပြီး မုန့်ဖိုးအနေနဲ့ပြန်ပေးတာပေါ့...ပျော်စရာကောင်းအောင် ဒီအတိုင်းမပေးပဲ ကြဲပြီးမှလုကောက်ခိုင်းတယ်လေ..
ပိုက်ဆံတွေကိုခေါက်ပြီး သကြားလုံးတွေနဲ့ ရောထားတာ.... အမေကကြဲမှာ...
ကိုယ့်ဘက်ကိုကြဲမယ်လို့တော့ မျှော်လင့်ရတာပဲ.... ;-P
ကဲ ကြဲလိုက်ပါပြီ............ ဝေး ဟေးဟေး ~~~~
အမ်...ဘာမှလဲကြမလာပါလား..... အောက်ကလူတွေကအော်တယ်..... 'အာ....အန်တီတော်တော်နောက်တာပဲ' .....
အမေကလဲ ဟုတ်ပါ့.... ဒီကလည်းကြဲပြီထင်ပြီး လူအုပ်ထဲကို ဒိုင်ဗင်ပစ်တော့မလို့ .....
အမေလဲ တကယ်ကြဲရော.... ဘယ်ရမလဲ မြင်မြင်သမျှအကုန်လိုက်ကောက်တာပေါ့ သကြားလုံးကော ဘာကောရွေးမနေဘူး....
အမယ် လက်သွက်လိုက်ကြတာနော်..... ၀ုန်းဝုန်းဒိုင်းဒိုင်း နဲ့....အော်ကြဟစ်ကြနဲ့ ...
အမေက ဒီဘက်ကိုလဲ မကြဲဘူး... ;-(
မှန်းစမ်း.... ဘယ်လောက်ရလဲလို့ .....
အမ်.... ၂၀၀တန်လေးနှစ်ရွက် .. ငိုတောင်ငိုချင်သွားတယ်... အစ်ကိုတစ်ယောက်ဆို ၃၀၀၀ လောက်ရတယ်... ၁၀၀၀ တန် ၅၀၀ တန်တွေရတာတဲ့
ဟင့် ငါကိုက လက်နှေးတာ....
အစ်ကိုတစ်ယောက်က သူ့ ကင်မရာလေးနဲ့  video record လုပ်ထားတယ်....
ပြန်ကြည့်တော.... လားလား... ခုနက ၃၀၀၀ ရတယ်ဆိုတဲ့အစ်ကိုက ရှေ့ဆုံးကနေပြီး သူ့ခန္ဓာကိုယ်ဝတုတ်ပြဲကြီးနဲ့ အားလုံးကို ပိတ်ပြီး လုကောက်နေတာကိုး ... အကျင့်ကိုပုတ်တယ်
တော်ပြီ နောက်နှစ်ကြရင်မလုတော့ဘူ.... ဒူးနာတာပဲ အဖတ်တင်တယ် ;-(
အခု သီတင်းကျွတ် နောက်လတန်ဆောင်တိုင် ...အဲကြရင် သံလျင်ကျောက်တန်းကဆွေမျိုးတွေကို သွားကန်တော့ဖို့ တိုင်ပင်ကြတယ်....
အဲကြရင်... လယ်ထဲမှာ စပါးတွေရိတ်ပြီးသွားပြီ... လယ်ထဲထိ လှည်းစီးသွားကြမယ်...တဲ့...
ကောင်းလိုက်တဲ့ အကြံ...မြို့ကြီးပြကြီးမှာက ကားတွေစီး မီးခိုးငွေ့ တွေရှုနဲ့ ........
ဒီလိုလေး လှည်းလေးစီးပြီး လယ်ကွင်းထဲက လေကောင်းလေသန့်လေးတွေသွားရှုရမှာ ကောင်းလိုက်တာ...
နေဦး... ညကြရင် အိမ်မှာအလှမီးလေးတွေ ထွန်းဖို့ မောင်လေးနဲ့ ပြောရအုန်းမယ်..
ဒါမှလဲ ကိုယ့်အိမ်က သူများအိမ်တွေနဲ့အပြိုင်လှနေမှာလေ...မဟုတ်ဘူးလား...
Thursday, October 16, 2008
ရင်တွေပူတဲ့မနက်ခင်း
ရင်တွေပူလိုက်တာနော်.....
ရင်တွေပူတယ်..... တကယ်ပဲ....
ရေသောက်လဲမပျောက်ပါလား....
ဟူး...တော်တော်ဆိုးတဲ့ဝေဒနာပဲ.... ၁၀တန်းအောင်စာရင်းကြည့်တုန်းကတောင် ဒီလောက်ရင်မပူရဘူး..
ဒီနေ့  အလုပ်မှာ ဂျပန်ကမန်နေဂျာတွေရောက်နေပြီး ၀န်ထမ်းတစ်ယောက်ချင်းဆီကို အင်တာဗျုးတာလေ...
အလုပ်နဲ့ ပက်သက်ပြီး ဘာညာကွိကွပေါ့....
အဲလို ဘာညာကွိကွဖို့ ကို ရင်ပူတာ...
မြန်မာမှာရှိတဲ့ Departmentရဲ့ မန်နေဂျာဆိုတော့ ကိုယ့်လူကြီးဆိုပြီး ကြောက်နေတာ... :-P
ကဲ... ကြောက်ပါတယ်ဆိုမှ ကိုယ့်ကိုခေါ်မယ့်အလှည့်ကြမှ ထပ်မခေါ်သေးပဲ ကြာနေလိုက်တာ...
Conference Room ရဲ့ တံခါးဖွင့်သံပိတ်သံကြားတိုင်း ရင်ကဒိန်းကနဲ ဒိန်းကနဲ ခုန်သွားတာ...
တကယ်တန်း မျက်နှာချင်းဆိုင် ပြောရဆိုရမယ်ဆို အဲလောက်ကြောက်မိမှာ မဟုတ်ဘူး... ဒီစပ်ကြားလေးကို ကြောက်နေတာ..
ဘာမှကြောက်စရာလဲ မဟုတ်ပဲ.... တကတဲဖြစ်နေလိုက်တာ...
စိတ်မပူပါနဲ့  ant ရေ....အဆင်ပြေမှာပါ...
Wednesday, October 15, 2008
ညီမလေး ... သို့
အမှန်အတိုင်းပြောရရင်...တစ်ရက်တည်း တစ်ချိန်တည်း အလုပ်အတူဝင်ခဲ့ကြတဲ့ ညီမလေး တစ်ယောက်အလုပ်ထွက်သွားကတည်းက အလုပ်မှာ ပျင်းတဲ့ဒဏ်ကို တော်တော်လေးခံလိုက်ရတယ်..(အခုထိတောင် အရှိန်ကသိပ်မသေသေးဘူး ).. ဂလကျော် ၉လနီးပါး ခင်မင်ခဲ့ကြတာလေ...
အလုပ်စ၀င်ပြီဆိုကတည်းက ... နန္ဒာနှစ်ယောက်ဆိုတော့...နာမည်တူဓါတ်စီးပြီး ပိုခင်မိကြတယ် ထင်တယ်...
သူကလည်းပွင့်ပွင့်လင်းလင်း ကိုယ်ကလည်းပွင့်ပွင့်လင်းလင်းဆိုတော့ အလုပ်ဝင်ပြီးသိပ်မကြာခင်ပဲ
သူ့့ အဆောင်ကိုလိုက်လည်ပြီးနေပြီ.... နောက်၂လလောက်ကြာတော့ ကိုယ်အိမ်မှာ သူလိုက်အိပ်တယ်...
စကားကို ဘွင်းဘွင်းပြောတဲ့သူ့ကို ကိုယ်အိမ်က မိသားစုတွေကလည်းခင်တယ်... အိမ်ကမောင်လေးကို သူခေါ်တာ 'အသည်းကြီး' တဲ့...
ဟိုက ရှက်လို့ ..... အဲလိုပါဆို.. ;-P
ရုံးမှာ ကော်ဖီသွားဖျော်ရင်လည်းအတူတူ...
ထမင်းစားပြီးလို့  လမ်းလျောက်ထွက်လည်းအတူတူ...
တခါတလေ အလုပ်မလုပ်ချင်လို့  ပျင်းကြတာလည်းအတူတူ...
ရုံးပိတ်ရက် မြို့ထဲမှာရုပ်ရှင်သွားကြည့်ရင်လည်းအတူတူ....
ပေါက်ကရကလည်း..အလွန်ပြောတတ်သူဆိုတော သူနဲ့ တွေ့ ရင်တော့ မပျင်းစေရဘူးမှတ်...
တခါတလေတော့လည်း သူရင်ဖွင့်တာလေးတွေနားထောင်ပြီး သူ့ ကိုသနားရတာလဲ ခဏခဏ..
သူ့ ဆီက စာရောက်တာလည်း ခုချိန်ထိမပြန်ရသေးဘူး...သူကလည်း....'အစ်မအကြောင်းသိလို့  မမျှော်ဘူးတဲ့'
သူကလည်းနေရာဟောင်းကိုပြန်သွားသလို ကိုယ်ကလည်းနေရာဟောင်းမှာကျန်ခဲ့တာပါပဲ...
ဘာပဲပြောပြော တစ်မြေထဲနေတစ်ရေတည်းသောက်ဆိုတော့ တော်သေးတာပေါ့နော်...
ကြာပြီဆိုတော့ မေ့လောက်ပါပြီ :-P
အိုး...... ဘလော့လေးကို ပစ်ထားမိတာ ၃လလောက်တောင် ရှိသွားပါပြီကော....
အလုပ်ရှုပ်နေတာတစ်ကြောင်း............ပျင်းနေတာကနှစ်ကြောင်း.....
ဟိုဟာကသုံးကြောင်း...ဒီဟာကလေးကြောင်း....အကြောင်းကြောင်းကြောင့် .... ;-P
ကြည့်နေကြဘလော့တွေတောင် ပုံမှန်မကြည့်ဖြစ်တာ ကြာပါပြီ.....
မရေးတာကြာတော့ လာလည်တဲ့သူလဲမရှိ......
'အသစ်ရေး...အသစ်ရေး' လို့  အမြဲ အော်နေတဲ့...သူငယ်ချင်းတစ်ယောက်တောင် မောသွားရှာပြီ ထင်ပါရဲ့...
အကျင့်ကလဲ အဲလိ်ု...
လုပ်ချင်စိတ်ပေါက်လာရင် တားမရဆီးမရ... မလုပ်ချင်တော့ဘူးဆိုရင်လဲ နောက်ကဘယ်လောက်တွန်းတွန်း မရတော့ဘူး....
အခုလဲ ဘလော့တစ်ခုနှစ်ခုကြည့်ပြီး....ရေးချင်စိတ်ပေါက်လာပြန်ပြီ..
ကဲ....အဲတာသာကြည့်.... 'လူ့ စိတ်ဆိုတာ မျောက်စိတ်' တဲ့ .... မှန်လိုက်လေ....
စိတ်ကိုပြောတာနော်....လူကိုပြောတာမဟုတ်ဘူး....( :-P ကြိုပြောထားတာ..)
Monday, July 28, 2008
ဇူလိုင်.....
နင်ငါ့ကို စိတ်ဒုက္ခအမျိုးမျိုးရောက်အောင်လုပ်တယ်...
နင်နဲ့ အတူတူရှိခဲ့တဲ့ရက်တွေ ငါ့မှာမျက်ရည်တွေနဲ့ ....
ပျော်ရွင်မှုတွေ .......ဘယ်မှာလဲ.....
အရင်ကရှိခဲ့တဲ့ နားလည်မှုတွေရော....
ငါချစ်တဲ့ မိုးရာသီရဲ့မှတ်တမ်းထဲမှာ နင်ရဲ့သမိုင်းကောင်းပဲ ကျန်နေစေချင်တယ်...
Tuesday, July 22, 2008
စိတ်ကိုလျော့…. စိတ်ကိုလျော့
ဒေါသထွက်လိုက်တာနော်..ဒီမနက် ဘာမှကိုအဆင်မပြေဘူး -
ရုံးကို စက်ဘီးနဲ့ အလာ ကားဂိတ်အကွေ့ နားရောက်တော့ ကားတစ်စီးနဲ့ ထိပ်တိုက်တွေ့ တယ် -
သူကွေ့ မဲ့ဘက်နဲ့  ကိုယ်ကွေ့ မဲ့ဘက်က crossing ဖြစ်နေတော့ အရင်ကွေ့ ပါစေတော့ ဆိုပြီး စက်ဘီးအရှိန်ကို လျော့လိုက်တယ် - သူကလဲကိုယ်ကွေ့ မဲ့ဘက်ကိုသိတယ် -
မြန်မြန်ဖြတ်လိုက်ပါလား အကွေ့ ကို - အဲလိုမဟုတ်ဘူး - ရှေ့မှာဘာမှလဲခံမနေပဲကားကိုတစ်ဘီးချင်းလှိမ့်တယ် - မျက်နှာကပြုံးစိစိနဲ့  သူကအဲလိုလုပ်နေတော့ စက်ဘီးကအရှိန်သေပြီးဆင်းလိုက်ရတယ်- အဲတော့မှကိုယ်တော်ချောက ၀ူးကနဲမောင်းထွက်သွားတယ် -
စပ်ဖြဲဖြဲနဲ့ လဲ လူကိုကြည့်သွားသေးတယ် - ဘုကြည့်ပြန်ကြည့်ယုံကလွဲပြီး ဘာပြန်လုပ်လို့ ရမှာလဲ -
စက်ဘီးရပ်လိုက်ရတာကို ဒေါသထွက်တာမဟုတ်ပါဘူး - အဲလူရဲ့လုပ်ရပ်ကို ဒေါသထွက်တာပါ -
စိတ်လျော့ ant ရေ စိတ်လျော့ -
Friday, July 11, 2008
“သြော်…..လူတွေ”
“ခုနှစ်ရာပဲ ပေးပါ”
“ငါးရာပဲ ထားလိုက်ပါ”
မိုးအေးအေးလေးမို့ ကော်ဖီပူပူသောက်ရင်း စာအုပ်ဖတ်နေတုန်းမှာ အိမ်ရှေ့က အမေနဲ့ထီးပြင်သမားရဲ့ စကားသံတွေကို ကြားနေရတယ်……
သြော်…..ဟုတ်သားပဲ….မိုးရာသီရောက်ပြီဆိုတော့ အိမ်ကထီးအဟောင်းတွေကို အကြမ်းသုံးဖို့ပြင်ထားရအုံးမှာပေါ့………….ဒီခေတ်ကြီးထဲမှာ ငွေလေးငါးရာနဲ့ ထီးတစ်လက်ကို တစ်မိုးတွင်းဆောင်းလို့ရရင်ပဲ မဆိုးပါဘူးလို့ တွေးနေမိတယ်………..အဲဒီချိန်မှာ
” သမီးရေ အမေအပြင်သွားမလို့ ထီးပြင်ပြီးရင် ငါးရာပေးလိုက်နော် ”
ပြောပြောဆိုဆို အမေကအပြင်ထွက်သွားပြီ ………..
ဖတ်လက်စစာအုပ်လေးကိုယူပြီး ထွက်လာလိုက်တယ်…..အပြင်မှာမိုးက သည်းသည်းမဲမဲကိုရွာနေတုန်း……။
မိုးစိုအင်္ကျီနဲ့ အပေါက်ဝမှာ ငုတ်တုတ်လေးထိုင်ပြီးထီးပြင်နေတဲ့ ထီးပြင်သမားကိုကြည့်ပြီး တော်တော်သနားသွားတယ်…..စိတ်ထဲမှာလည်း…
” ဒီလူတော့ချမ်းနေမှာပဲ … သြော် ..ကိုယ်တွေမှာတော့ ကိုယ့်အိမ်နဲ့ကိုယ် ကော်ဖီလေးနဲ့ စာအုပ်လေးနဲ့ နွေးနွေးထွေးထွေးဇိမ်ကျလို့…..သူတို့မှာတော့ မိုးထဲလေထဲမှာတောင် ရုန်းကန်နေရတယ် ”
ဆိုပြီး ကရုဏာဝင်မိတယ်……ပြီးတော့ အတွေးကိုဖြတ်ပြီး စာအုပ်ကိုဆက်ဖတ်ပြီးစောင့်နေလိုက်တယ်........
” ပြီးသွားပြီ အစ်မ”
ပိုက်ဆံပေးပြီး ထီးကိုစစ်ကြည့်လိုက်တယ်……….မဆိုးဘူးကောင်းသားပဲ….(၅၀၀) ကတော့တန်ပါတယ်လေ…..
ထီးကိုပိတ်ပြီး တံခါးမှာချိတ်လိုက်တယ်…… စာအုပ်ကိုကောက်ကိုင်ပြီး တံခါးဝကိုလှမ်းကြည့်လိုက်တော့ ထီးပြင်သမားက အိမ်ထဲကို ဖျတ်ခနဲလှမ်းကြည့်ပြီး ခပ်သုတ်သုတ် ထွက်သွားတာတွေ့လိုက်ရတယ်….သူ့အကြည့်တွေက တစ်မျိုးကြီးပဲ…….ဒါနဲ့ဘာရယ်မဟုတ်ဘူး ထီးကိုယူပြီး ပြန်ဖွင့်ကြည့်လိုက်တော့…..။
” ဘုရား…..ရေ”
ပြင်ပြီးသား ထီးကိုင်း(၂)ကိုင်းက ကျိုးထွက်နေပါလား….. ခုနပြင်ပြီးခါစက ဖွင့်ကြည့်တော့အကောင်းကြီးပါ….
” သြော် ကျိူးနေတဲ့နေရာကို တေ့ပြီးဆက်ထားတာကိုး… ဒင်း ..ဒင်း… ငါ့မှာတော့သနားလိုက်ရတာ……. ဒီလိုစိတ်ထားမျိုးရှိလို့ ဒီလိုနေနေရတာ…….ဟွန်း ”
ဖတ်လက်စ တရားစာအုပ်ထဲက တရားတွေပျောက်ပြီး ဒေါသစိတ်တွေဝင်လာတယ်…..
ပြောပြောဆိုဆို ဒေါသနဲ့ထီးကို စားပွဲပေါ်ဆောင့်ချလိုက်တော့ သောက်လက်စကော်ဖီခွက်ကို တိုက်မိပြီ ဖတ်လက်စတရားစာအုပ်ပေါ် နဲနဲစင်သွားသေးတယ်……..
” သြော်…..လူတွေ.. လူတွေ..”
Wednesday, July 9, 2008
အိမ်မက်တမ်းချင်း
အိမ်မက်တွေလေ.....
မရေမရာ ဝေဒနာဖြစ် ။
မနက်လင်းရော…..
သက်ပြင်းမောချ ။
ညကမပျော် တသမျှော်တမ်း…..
ရော်ရည်မှန်းလျှက်…..
လွမ်းဆွတ် ကျန်ရစ်နေတော့သည် … ။ ။
<< ကြိုက်လို့  ကူးယူထားတဲ့ ကဗျာလေးပါ... >>
ဆုတောင်း
ဦးနှောက် နဲ့ နှလုံးသား
ကတောက်ကဆဖြစ်ပြီး
ရင်ခုန်သံတွေ ပျောက်ရှခဲ့တဲ့
မနက်ခင်း တစ်ခုမှာ…………
မသိစိတ်ရဲ့ စေ့ဆော်မှု့နဲ့
ခပ်ညံ့ညံ့ ဆုတောင်းတစ်ခုကို မွေးဖွားခဲ့ပါတယ်….
” တေးသွားတွေမဆို ကာရံတွေမလိုပါ
ချိူသာတဲ့ စကားတွေမပါလည်း
စစ်မှန်တဲ့ သစ္စာ၊မေတ္တာတွေနဲ့
အပြစ်အနာဆာကင်းတဲ့ နှလုံးသားတစ်ခုကိုတော့
ပိုင်ဆိုင်ခွင့် ရရှိလာနိူင်ပါစေသား…………… ”
နန္ဒာရေ.... ကဗျာလေးတင်ပြီးပြီ....ကျေနပ်တော့နော် :-)
Wednesday, July 2, 2008
စိတ်ဓါတ်ကြံခိုင်ခြင်း
ပျော်ရွင်နေကြတဲ့လူအတော်များများရဲ့ တချို့ ကိစ္စတွေကို သင်သတိပြုမိတာ ရှိမယ်။ သူတို့ဟာ ကြီးမားတဲ့ အခက်အခဲ အတားအဆီးတွေကို ကျော်လွားနိုင်ခဲ့ကြတယ်။ ပျော်ရွင်တဲ့လူတွေ တခါတလေ ငွေကြေးပြတ်လပ်လို့ ဘိုင်ကျမယ်၊
နေမကောင်းဖြစ်မယ်၊ အလုပ်ပြုတ်မယ်၊ ဒါမမှဟုတ် စိတ်အားငယ်တာမျိုး ဖြစ်မယ်။
တခြားလူတွေလိုပဲ ပျော်တတ်တဲ့လူတွေမှာလည်း သူတို့ပြဿနာနဲ့  သူတို့ ရှိကြတယ်။
ဒါပေမဲ့ ဖြစ်လာတဲ့အခြေအနေတွေကို ခံနိုင်ရည်ရှိတဲ့ စိတ်ခွန်အား သူတို့ မှာရှိကြတယ်။စိတ်ဓါတ်ကြံ့ခိုင်အောင် လေ့ကျင့်ပေးထားတယ်။
သူတို့စိတ်ဓါတ်ကြံ့ခိုင်အောင် တဖြည်းဖြည်းလုပ်ယူကြရတာ၊ စိတ်ဓါတ်ကြံ့ခိုင်မှုဆိုတာ ကိုယ်ခန္ဓာ ကြံ့ခိုင်မှုလိုပါပဲ။
သင့်ရဲ့ကြွက်သားတွေ သန်မာလာအောင် လေ့ကျင့်ခန်းလုပ်တယ်။
တောင်ကုန်းပေါ်ပြေးတက်တယ်။
တဖြည်းဖြည်းနဲ့သင်ဟာကြံ့ခိုင်သန်စွမ်းလာတယ်။
သင့်ရဲ့စိတ်ပိုင်းဆိုင်ရာတွေးခေါ်မှုမှာလဲ ဒီအတိုင်းပဲ၊ ပြဿနာတွေကို ရင်ဆိုင် ဖြေရှင်းခြင်းအားဖြင့် သင့်ရဲ့ စိတ်ကို ခွန်အားဖြစ်ထွန်းစေတယ်။
ရုန်းကန်ခြင်းဟာ ခွန်အားကို တည်ဆောက်ပေးတယ်။
အိပ်ယာအောက် ၀င်ပုန်းနေရုံနဲ့  ခွန်အားကိုဖြစ်လာမှာ မဟုတ်ဘူး။
ဘ၀ကို ထိပ်တိုက်ရင်ဆိုင်ပါ။
တချို့ စွန့်စားစရာတွေကို စွန့် စားလုပ်ဆောင်ပါ။
သင်ပြုတ်ကျလာပြီး ပြန်ခေါင်းထောင်ထလာမယ်။
တစ်နေ့ ထက်တစ်နေ့  ယုံကြည်ချက်တွေ တိုးလာမယ်။
တဖြည်းဖြည်းနဲ့  အကောင်းမြင် စိတ်ထားဖြစ်လာမယ်။
ဘ၀ဟာ ကြမ်းတမ်းခက်ထန်တဲ့အခါ ကိုယ့်ကိုကိုယ် သတိပေးပါ။
ဒါဟာ ငါ့ရဲ့စိတ်ဓါတ်ကို ကြံ့ခိုင်စေဖို့ ပဲ၊ ငါ ပျော်ရွင်မှုတွေ ရလာနေပြီ။
Source: ငြိမ်းငြိမ်းချမ်းချမ်း ပျော်ပျော်ရွင်ရွငိ
ိ
ရယ်မောခြင်း
ရယ်မောခြင်းဟာ ရုပ်ပိုင်းဆိုင်ရာ နာကျင်မှုတွေသာမက စိတ်ပိုင်းဆိုင်ရာနာကျင်မှုတွေကိုလဲ လျော့ပါးစေတယ်။
ရယ်တဲ့အခါ ပင်ကို သဘာဝအားဖြင့် မျော်လင့်ချက် ပိုရှိစေပြီး အကောင်းမြင်လာတယ်။
ရယ်လိုက်တဲ့အခါ ကဘာကြီးကို ပြောလိုက်တာက
"နာကျင်ခံစားမှုတွေကို ငြင်းဆန်တယ်ဟေ့"
* * *
ခုတလော စိတ်ညစ်စရာတွေ ဆက်တိုက်ဖြစ်နေတယ်
ဒီနေ့ လဲ စိတ်ညစ်စရာဒီဂရီက အမြင့်ဆုံးကိုတက်သွားတယ်
ဝမ်းနဲလို့ မျက်ရည်တောင် ကျသွားသလားမသိဘူး
ထမင်းစားချိန်ရောက်တော့ ဗိုက်ဆာနေပေမဲ့လဲ သူငယ်ချင်းတွေနဲ့ TTဆော့လိုက်တယ်
ငြင်းခုန်ရင်း....အော်ဟစ်ရင်း....... ရယ်မောရင်း .........စိတ်ညစ်တာတွေလျော့လာတယ်
၅ပွဲလောက် ဆက်တိုက်ရှုံးပြီးလို့ ထမင်းစားမယ်ဆိုတော့ ခုနက စိတ်ညစ်တာတွေ ၈၀% လောက် ပျောက်သွားတယ်...
အားရပါးရ ရယ်မောပြီး စိတ်ကို ထွက်ပေါက်ပေးလိုက်တယ်..
စိတ်ညစ်နေတာတွေကို ပျောက်အောင် ၀ိုင်းပြီးကူညီအားပေးကြတဲ့ သူငယ်ချင်းတွေကို ကျေးဇူးပါ...............
၁ ဇူလိုင် ၂၀၀၈ - ည ၁၀ နာရီ
Monday, June 23, 2008
လိပ်ပြာဖမ်းခွက်
ပြီးခဲ့တဲ့စနေနေ့ က သူငယ်ချင်းတွေစုပြီး ဗေဒင်သွားမေးကြတယ်။
အလှည့်စောင့်နေတုန်း ဗေဒင်ဆရာမရဲ့ အမေက လာမေးတဲ့လူတွေကို ဧည့်ခံစကားပြောနေတယ်။
သူပြောနေတာတွေကို စိတ်ဝင်စားလို့ နားထောင်တဲ့သူကနားထောင်၊ နားမထောင်တဲ့သူက အချင်းချင်းတွတ်ထိုးနေကြတာ။
”ဒေါက်..ဂလောက်…”
သူငယ်ချင်းတစ်ယောက်ထိုင်နေတဲ့ခုံရဲ့ နောက်က ခွက်တစ်လုံးပြုတ်ကျသွားတာပါ။သူကပြန်ကောက်ပြီးတင်လိုက်တော့ ဆရာမရဲ့အမေက
”အဲဒီခွက်က လိပ်ပြာဖမ်းတဲ့ခွက်လေ”
အားလုံးရဲ့မျက်လုံးတွေ အဲဒီအဘွားကြီးဆီရောက်သွားတယ်။
ဟင်..လိပ်ပြာဖမ်းခွက်ဆိုပါလား …. ကြက်သီးတောင်ထသွားတယ် - ဘယ်လိုဖမ်းတာလဲ - ဘာလို့ ဖမ်းတာလဲ - ?????
”ဘယ်လိုဖမ်းတာလဲဟင်” တစ်ယောက်ကထမေးလိုက်တယ်(မတ်တပ်ရပ်ပြီးမေးခြင်းမဟုတ်ပါ)
”အိမ်ထဲကိုလိပ်ပြာလေးတွေဝင်လာတယ်လေ.. ကြောင်တွေစားမှာစိုးလို့  လိပ်ပြာနားနေတဲ့အချိန်ခွက်လေးနဲ့ အသာအုပ်..ပြီးမှအောက်ကနေ ယပ်တောင်အပါးလေးနဲ့ အသာလေးထိုးပြီး ခွက်ကိုပိတ်…အိမ်ပြင်သွားပြီးမှလွင့်ပစ်တာလေ…မလွယ်ဘူးလိပ်ပြာဖမ်းရတာ…”
”သြော်…”
”အင်း….”
သူလိပ်ပြာဖမ်းတာ ဂလိုကိုး….အားလုံးသက်ပြင်းကိုဖြေးဖြေးလေးချလိုက်ကြတယ်….။
Friday, June 20, 2008
Personality
“ Personaltiy is a germ in the child that can develop only by slow stages in a true life.”
Personality ကိုယ်၇ည်ကိုယ်သွေးဟာ ကလေး၇ဲ့စိတ်ထဲမှာ အစေ့ညှောက်လေးတစ်ခုအနေနဲ့ ရှိပြီးသားပါ။ ဒါလေးကို တဖြည်းဖြည်းကြီးလာအောင် ပြုစု၇တာ။
အဖက်ဖက်က အရည်အသွေးတွေ ကောင်းလာဖို့ဆိုတာ ငယ်စဉ်ကတည်းက တစ်ဆင့်ပြီးတစ်ဆင့် ပြုစုပြိုးထောင် သွား၇တယ်။ ဗြုန်းကတည်း ချက်ချင်းကြီးတော့ မရနိုင်ဘူး။ ဘဝအတွေ့ အကြုံ အမျိုးမျိုးကို ဖြတ်သန်းသွားရင်းနဲ့ ဘ၀ကို နေသွားရင်းနဲ့ လေ့ကျင့်ပြုစုပျိုးထောင် ယူရတာ။ မွေးခါစကလေးအတွက် လူအရည်အချင်းတွေဟာ အညောင့်လေးလောက်ပဲ ရှိတယ်။
ကလေးတစ်ယောက်ကို သူရဲ့ အမေ၊အဖေ၊ အစ်ကို၊ မောင်နှမတွေ သူ့ ကို ထန်းကျောင်းပေးတဲ့လူတွေက သူ့ ကို စားသင့်တဲ့အချိန်မှာ ကောင်းကောင်းကျွေးမယ်။ ပြုစုသင့်တဲ့အခါမှာ ကောင်းကောင်းပြုစုမယ်။ ပစ်မထားဘူး။ သူ့ ကိုအော်တာငေါက်တာရိုက်တာမျိုး မလုပ်ဘူးဆိုရင် ဒီကလေးရဲ့စိတ်ဟာ နူးညံ့တယ်၊ အေးချမ်းတယ်၊ ပျော်ရွင်တယ်။ သူ့ ကိုယ်သူ ကျေနပ်မှုအများကြီးရှိနေမယ်။ ပတ်ဝန်းကျင်ကိုလည်း ယုံကြည်မှု၊ ခင်မင်မှုတွေ ရှိမယ်။
Source: ဆ၇ာတော်ဦးဇော်တိက၏ ကိုယ်ကျင့်တ၇ားမြင့်မားေ၇း။
Tuesday, June 10, 2008
.jpg)
စတင်ခြင်း
ဒီနေ့  မွေးနေ့ မှာပဲ ဒီဘလော့ လေးကို စတင်လိုက်ပါပြီ…
သူနဲ့့က အသက် ၂၄နှစ် ကွာတဲ့ သူငယ်ချင်းအသစ်တွေပေါ့…
Subscribe to:
Posts (Atom)
